2017.11.23 "Чайнăйра" каритна 105 çул тултарнине халалланă курав

    …Чăваш художникĕ! Пĕрремĕш!

Искусство тÿпинче çиçен.

Мал ĕмĕтлĕ картинусен

Паян кунччен чакмасть пĕлтерĕш:

«Чăваш хĕрарăмĕ», «Ликбезĕ»,

Е «Итальянецри сăнсем,

Этючĕсем, «Автопортречĕ»,

Ăсталăхăн шедеврĕсем.

 «Профессор Кокелĕн çĕршывĕ»,-

Калаççĕ халь Турхан çинчен.

Эс ĕмĕр-ĕмĕр пулăн сывă,

Эс ĕмĕр халăх асĕнче!

(Николай Кушманов)

       Алексей Афанасьевич Кокель - чăваш ÿнерçисенчен академи пĕлĕвĕ илнĕ пĕрремĕш çын. Вăл 1903 çулта Санкт-Петербургри укерӳ шкулĕнче вĕренсе тухнă. 1912 çулта И.Е.Репинпа Д.Н.Кардовский ăста лаççинче, Аслă ӳнер шкулĕнче, пĕлӳ ӳстернĕ. "Чайнăйра" конкурслă (дипломлă) ĕçĕшĕн Алексей Кокеле Италине  ӳкерçĕ ăсталăхне пахалатма янă. "Чайнăйра" ĕçе 1913-1914 çулсенче Мюнхенри тата Венецири мĕнпур тĕнчери куравсенче кăтартнă, ун çинчен вăл вăхăтри тĕрлĕ хаçат-журналта та çырнă.

      Чăваш наци музейĕнче  «Чайнăйра» картина 105 çул тултарнине халалласа курав иртнĕ. Турхан шкулĕнче вĕренекенсем те пулнă уявра. Художниксемпе тĕл пулу ирттернĕ, кураври картинăсемпе паллашнă. Тихонова Дария, Осипова Валерия, Шайдуков Александр «Кокель» поэма сыпăкĕсене вуласа панă.  

Уявран ачасем савăнăçлă кăмăл-туйăмпа таврăннă.