2017.04.22 Информаци сехечĕ

 Патăрьелĕнчи пĕтĕмĕшле пĕлÿ паракан 1-мĕш вăтам шкулта чăваш чĕлхипе литературине вĕрентекенсем Петĕр Хусанкай 110 çул тултарнине палăртса информации сехечĕсем ирттерчĕç, интереслĕ те пуян презентацисем пăхрĕç.

 Петр Петрович Хусанкай Тутар Республикине кĕрекен Сиктĕрме ялĕнче çуралнă. Чăваш халăх поэчĕ, К.В. Иванов тата Çеçпĕл Мишши ячĕллĕ премисен лауреачĕ – пĕрремĕш ретри çăлтăрсенчен чи çутти те хăватли, хăй хыççăн та çĕр çине пин – пин çутă сапаканни. Унăн çăлтăрĕ чăваш поэзийĕн тÿпине 20-мĕш çулсенче тухнă та çур ĕмĕр тăршшĕ çап – çуттăн çуннă, ыттисене хăй тавра пухса тăнă.

 П.П.Хусанкай поэзийĕ Тăван çĕр – шывăн вăрçинче хăватланнă. Паянхи кун та «Таня», «Çĕнтерÿ юрри» поэмăсем ахах пек çуталаççĕ.

 Петĕр Хусанкайăн пултарулăхĕ анлă, пысăк. Лирик, историк, этнограф, чĕлхеçĕ, публицист, тăлмачă – вăл пур жанрсемпе те çырнă.

 Пысăк ĕмĕтпе те шанчăкпа, хĕрÿ ĕçре те кĕрешÿре, пĕр вĕçсĕр шыравра ирттернĕ поэт хăйĕн пархатарлă пурнăçне.

 Петр Петрович Хусанкай пурнăçĕпе ĕçĕ – хĕлĕне пĕлни ачасен  тавра курăмне пуянлатать.