2017.04.24 «Эпĕ чăваш ачи» сăвă вулакансен тупăшăвĕ

Чăваш чĕлхи эрни пынă майăн ака уйăхĕн 21-мĕшĕнче Патăрьелĕнчи пĕтĕмĕшле пĕлÿ паракан 1-мĕш вăтам шкулта  «Эпĕ чăваш ачи» сăвă вулакансен конкурсĕ иртрĕ. Чăваш чĕлхине кăмăллакансем, юратакансем сăвăсене тăрăшса вуларĕç. Ачасем уйрамах П.Хусанкай, Р.Сарпи, В.Давыдов-Анатри çырнă сăвăсене суйласа илнĕ. Сăвă темисем те тĕрлĕрен. Ку ăмăртура ачасем хăйсен тăрăшулăхĕпе пултарулăхне кăтартрĕç. Чи пултаруллисен шутĕнче çаксем: 2-4 классем хушшинче Жирнова А. (3б), Музякова А. (2б);   5-6 классем:  Каргина Д. (5в), Путякова А. (6б), Краснова Е. (6а), Муллина Ю. (5б), Плешкова А. (5а); 7-9 классем:  Иванова Е. (9б),  Лялькина А. (7а).

Вĕрентекен Торговцев А.А.  та П. Хусанкайăн «Эпир пулнă, пур, пулатпăр!» сăввине каласа итлекенсене хавхалантарчĕ.

Вĕренекенсем илемлĕ те уçă сассисемпе вĕрентекенсен кăмăлĕсене те çĕклерĕç.