2017.04.24 Чăваш чĕлхине чилайăх пĕлекен

Патăрьелĕнчи пĕтĕмĕшле пĕлÿ паракан 1-мĕш вăтам шкулта чăваш чĕлхипе литература эрни хĕрсех пырать. Акă 7 – 8 – мĕш классем хушшинче викторина иртрĕ. Унти ыйтусем ачасем чăваш чĕлхине мĕнле шайра пĕлнине тĕрĕслеме май параççĕ. Пĕрре пăхсан ыйтусем йывăрах та мар пек, анчах та ачасем чылайччен шухăша кайса ларчĕç. Ĕçсем ытларах Çутçанталăк тата Атте – анне çулталăкне халалласа пулчĕç. Уйрăмах кунта 7-8 классем хушшинче чи хастаррисем çаксем пулчĕç: Краснова Диана (7а), Каллина Карина (7б), Шуряшкина София тата Синеев Евгений (7в), Галкин Мефодий (7г), Медведева Ангелина (8а), Тихонова Елизавета, Иванова Анастасия  тата Воробьева Юлия (8б), Каштанова Виктория (8в). Вĕсем хăйсен ĕçĕсенче туллии хуравсемпе тĕрĕс ответсем панă. Малашне те çак ачасене хастар та пултаруллă пулма сунатпăр.