2017.04.20 Яковлев вулавĕсем

Чăваш чĕлхипе литература эрни Пăлапуç Пашьелĕнчи вăтам  шкулта «Яковлев вулавĕсем» сехетрен пуçланчĕ. 

Мероприятие 5-6 класс ачисем пуçтарăнчĕç, ăна  чăваш чĕлхипе литературине вĕрентекен Светлана Никитина ертсе пычĕ.

Чи малтанах ачасем Чăваш Улăпĕн ачалăхне, çамрăклăхне аса илчĕç, унăн пархатарлă ĕçĕсем çинче чарăнса тăчĕç,И.Я.Яковлев пурнăçĕн саманчĕсене кăтартакан сăн ÿкерчĕксемпе, картинăсемпе, ăна халалланă литературăпа паллашрĕç. Панă ыйтусене те  ачасем хаваспах хуравларĕç. Пире алфавит, букварь парнеленĕ, Чĕмпĕр чăваш шкулне уçса панă çынна епле хакламăн-ха?

6-мĕш классем  кунта хастартарах пулни палăрчĕ. Малалла ачасем И.Я.Яковлевăн «Чăваш халăхне» халалĕн çемье, ĕç çинчен калакан сыпăкĕсене артистсем вуланине итлесе пĕтĕмлетÿсем турĕç, Çавăн пекех аслă педагогăн «Йăлăнтарни», «Кулач», «Суеçĕ» хайлавĕсене тепĕр хут пĕрле вуласа тишкерчĕç.

 Юлашкинчен презентаци пăхрĕç. Сехет кăмăллă иртрĕ.