Внимание!
Эта страница из архивного сайта. Информация может быть не актуальной.
Адрес нового сайта -
http://batyr.cap.ru/
Чĕлхемĕр пулсан-эпир пуян,
Чĕлхемĕр пулсан-эпир патвар,
Чĕлхемĕр пулсан-эпир мăнаç,
Чĕлхемĕр пулсан-эпир хастар!
Паянтан республикăри пур шкулсенче те чăваш чĕлхи эрни пуçланчĕ. Ака уйăхĕн 18-мĕшĕнчен пуçласа 25-мĕшĕччен пырĕ вăл.
Ыхра Çырми вăтам шкулĕнче паян ирхине шкула килекен ачасене, вĕрентекенсене дежурнăйсем чăвашла саламласа тата чăваш юрри-кĕввипе кĕтсе илчĕç.
Чăваш чĕлхипе литератури вĕрентекен Кулакова С.П. ертсе пыракан «Хунав» кружок членĕсем чăваш чĕлхи кунне халалланă шкул хаçатне кăларса çакрĕç.
Чăваш литератури урокĕсенче кашни ача паллă çынсем - чăваш халăхĕпе чĕлхи çинчен каланă ăслă шухăшсене вуласа ăса хыврĕç.
Пуçламăш классене вĕрентекен Майков С.П. ачисемпе «Юмах тĕнчинче» вулав каçĕ ирттерчĕ.
Эрнере “Туслăх хĕлхемĕ” конкурс, “Аттепе анне пулсассăн, пуринчен те эп пуян” пултарулăх каçĕ, “Яковлев вулавĕсем” , “Пĕтĕм чăваш диктанчĕ” акцие хутшăнма палăртнă.
Чăваш эрни тухăçлă, усăллă, хаваслă иртессе шанатпăр.