Внимание!
Эта страница из архивного сайта. Информация может быть не актуальной.
Адрес нового сайта -
http://batyr.cap.ru/
2017 çулхи ака уйăхĕн 11-15-мĕш кунĕсенче И.Н. Ульянов ячĕллĕ Чăваш патшалăх университетĕнче "Наука эрни" иртрĕ.
Палăртнă кунсенче студентсемпе шкул ачисем Раççей шайĕнче иртекен 51-мĕш наукăпа практика конференцине пуçтарăнчĕç. Кăçалхи çул асăннă мероприятие Аннепе Атте çулталăкне тата асăннă университ 90 çула çитнине халалланă.
Ака уйăхĕн 14-мĕшĕнче 9-11–мĕш классенче пĕлÿ пухакан шкул ачисем "Ăслăлăхри пĕрремĕш утăмсем" секцие пуçтарăнчĕç. Пурĕ 17 подсекци ĕçлерĕ. Унта хамăрăн вĕренекенсемпе пĕрлех Удмурт, Мари, Тутар, Пушкăрт республикисенчен килнĕ студентсем, Шупашкар тата ытти хуласенчен килсе çитнĕ шкул ачисем хутшăнчĕç.
Халăх йăли-йĕркине, чĕлхепе культурăна аталантарас, литературăна тĕпчес ыйтусене çивĕч хускатрĕç çамрăк ăсчахсем. Конференцире хутшăнакансен доклачĕсем тарăн шухăшлă пулни, паянхи çивĕч ыйтусене хускатни хавхалантарчĕ жюри членĕсене.
Асăннă конференцире Патăрьел районĕнчен пĕртен пĕр вĕренекен, Ыхра Çырми вăтам шкулĕнчи 11-мĕш класра вĕренекен Максимова Светлана хутшăнчĕ. „Чĕлхе. Истори. Култура” секцире “Чун пулсан чун хушшинче те пурăнать“ темăпа хутшăнса пĕрремĕш вырăна тухма пултарчĕ.
Светлана -вĕренÿ отличници, район пуçлăхĕн стипендиатки. Тĕрлĕ конкурс-фестивальсенче, олимпиадăсене хастар хутшăнать, яланах малти вырăнсене йышăнать. Шкул, район, республика чысне хÿтĕлеме Шупашкара темиçе хут та çитнĕ Светлана. Паянхипе кăна лăпланса ларасшăн мар вăл, ялан çĕнĕлĕх анине уçăмлатать. Светлана кăçалтан пурнăçăн анлă çулĕ çине тухма хатĕрленет, çывхарса килекен экзаменсене ăнăçлă тытса юратнă профессие алла илесшĕн вăл. Унăн тĕллевĕсем çутă, курăмлă. Аслă пĕлÿ илмелле, ăçта каяссине картса хунă ĕнтĕ. Малашне те Светланăн пултарулăх çăл куçĕ тапса çеç тăрасса шанас килет. Çĕнтерÿçе тата çавăн пекех ăна ертсе хавхалантарса пыракан вĕрентекенне, С.П.Кулакована саламлатпăр. Малашне те ăнăçу, çитĕнÿ сунатпăр.