2017.04.12 «Космос тĕнчинче» викторина иртрĕ

      Космонавтика кунне халалласа Пăлапуç Пашьел вăтам шкулĕнче тĕрлĕ мероприятисем иртрĕç.

Светлана Никитина чăваш чĕлхипе литература вĕрентекенĕ йĕркеленипе 6-мĕш класс ачисем вара «Космос тĕнчинче» викторинăра тупăшрĕç. Ăмăрту хĕрÿ иртрĕ. Космоса пĕрремĕш хут çул хывакан Ю.А.Гагаринран пуçласа паян тĕнче уçлăхне тĕпчекен космонвтсем таранах аса илмелле пулчĕ вĕсен. Космос тĕнчипе çыхăннă ăнлавсене, вырăнсене, тĕрлĕ  ятсене, космонавтсен пурнăçĕнчи самантсене лайăх пĕлнине çирĕплетсе пачĕç улттăмĕшсем. Викторина хыççăн хăйсем Андриян Николаев, Николай Бударин, Муса Манаров Чаваш çĕр-шывне чапа кăларнипе мăнаçланни çинчен те пĕлтерчĕç. Пирĕн ентеш,  Шуршăлти А.Г.Николаева халалланă мемориал комплексĕн директорĕ Александр Тукмаков  каласа панине те аса илчĕç.

         Викторина çĕнтерÿçи вара Дима Разинов пулчĕ. София Матюшкина, Максим Чебоксаров, Екатерина Матвеева 2-3-мĕш вырăнсене пайларĕç.