2017.02.22 Шашистсем ăмăртрĕç

Шашка вăййине выляма юратакансем Патăрьел районĕнчи Сăкăт шкулĕнче йышлă. «Шкулта шашистсен ăмăртăвĕ иртет» тенине вуласанах классенче командăсем йеркеленчĕç. Малтан пĕр-пĕринпе хăнăхмалла вылярĕç[К1] , кайран чăн-чăн ăмăрту уçланчĕ.Тĕп тÿре— Н.И. Тинюков (ОБЖ преподавателĕ ) вылякансене хавхалантарса, çĕнтерÿçĕсене çийĕнчех палăртса пычĕ. 5-8 классем хушшинче çĕнтерÿçĕ команда ятне 7 класс, 9-11 классен командисем хушшинче вара 11 класс йышăнчĕ. Иккĕмĕш вырăнта 8-тата 9 б классен командисем, виççĕмĕшсем — 6 тата 9а командисем.

Харпăр хăйшĕн вылякансем хушшинче вара çĕнтерÿçĕсем Тинюкова Вера, Кариков Денис(7 класс), Гусарова Надежда(9б класс), Кудряшов Артём(11класс) пулса тăчĕç. 2-мĕшсем— Сурков Николай(5 класс), Скрипкина Анастасия(8 класс), Елагина Виктория, Лепешкин Александр (11 классем). Егорова Ксения(8 класс), Муллин Владислав(7 кл)., Карукова Диана тата Сурков Данил (9 б класс) шашистсем— виççĕмĕшсем.

 [К1]ах