2016.04.14 Класс сехечĕ инспекторпа пĕрле

Çурхи кунсем вĕçтерсе çитрĕç. Çуллахи каникул кунĕсем шкул алăкĕ умĕнчех авă. Хĕвеллĕ çуркунне пурне те урама йыхăрать. Ачасенчен чылайăшĕ вара тĕттĕмленичченех велосипед çинче.

Сăкăт шкулĕн 6 класĕнче вĕренекенсем (класс ертÿçи Кудряшова Н.К.) ака уйăхĕн 11-мĕшĕнче Комиссарова Л.А. полици ĕçченĕпе тĕл пулчĕç. Обществăлла вырăнта хамăра мĕнле тытмалли çинчен чылайччен калаçрĕç улттăмĕшсем. Лариса Алексеевна ачасене çул – йĕр правилисене аса илтерчĕ. Велосипедистсен çул – йĕр правилисене пăхăнмалли пирки асăрхаттарса хăварни те вырăнлă пулчĕ.