2015.11.17 Ишлĕ шкулĕнчи Чăтăмлăх кунĕ

Паян Чăтăмлăх кунĕпе Çеçпĕл Мишши çуралнă куна халалласа чăваш литература урокĕнче Ишлĕри пĕтĕмĕшле тĕп пĕлÿ паракан шкулăн çиччĕмĕшĕсем «Мĕнле пур çапла йышăн!» ятпа диспут ирттерчĕç. «Пирĕн çÿт çăлтăр» презентаципе паллашса Çеçпĕлĕн синкерлĕ кун-çулне аса илчĕç. Йывăр вăхăтра сăвăсем çырса чунне пусаракан поэт кашни ачашăнах тĕслĕх пулмалли çинчен С.В.Едифанова вĕрентекен пусарсах каларĕ. Вĕренекенсем чÿнĕпе таса,кăмăлĕпе ырă çын çеç пур йывăрлăхран та тухма пултарни çинчен тĕплĕнрех ăнланчĕç, вĕрентекен сĕннĕ пулăмсенче кирек мĕнле çынна та, хуть мĕнле вăхăта та кирлĕ пек йышăнма пулнине курма пултарчĕç. Хальхи пурнăçра вăхăтра «çук» тесе каламаллине ăша хыврĕç.