Внимание!
Эта страница из архивного сайта. Информация может быть не актуальной.
Адрес нового сайта -
http://batyr.cap.ru/
Чăвашра вăрман та чăвашла кашлать,
Шăпчăк та юрлать кунта халь чăвашла.
Сассăм пин чĕлхеллĕ халăх хушшинче
Янăрать хавассăн, уççăн чăвашла…
«Пултарулăх кунĕ» ятпа уçăлчĕ чăваш чĕлхипе литература эрнин пĕрремĕш кунĕ Кивё Ахпуртри теп шкулта. Ăна кăçалхи çул чăваш литературин классикне, вилĕмсĕр «Нарспи» поэма авторне К.В.Иванова тата Тăван çĕр-шывăн Аслă Аттелĕх вăрçи пĕтнĕренпе 70 çул çитнине халалланă.
Ертсе пыракансем (чăваш чĕлхипе литература вĕрентекен Марина Ильинична Табакова тата 9 класра вĕренекен Юлия Пыркина) Константин Ивановăн пурнăçĕпе, пултарулăхĕпе паллаштарчĕç.
6 класра вĕренекенсем, Анастасия Кошкина, Анжела Суркова, Юлия Каргина залра ларакансене илемлĕ те çепĕç юрăсемпе савăнтарчĕç. Ун хыççăн 5-9 класра вĕренекен маттур та пултаруллă ачасем сăвă вуласа ăмăртрĕç.
Тÿресене (Раиса Всеволодовна Белкова, Антонина Антоновна Бельдекова, Антонина Исааковна Капитонова) çĕнтеруçĕсене палăртма çăмăлах пулмарĕ. Çапах та «К.Иванов хайлавĕсем» номинацире пĕрремĕш вырăна Юлия Пыркина çĕнсе илчĕ; иккĕмĕш вырăнта – Юлия Мальцева (5 класс), Никитина Анастасия (8 класс); виççĕмĕш вырăна вара Арланов Антонпа (7 класс) Кошкина Татьяна йышăнма пултарчĕç. «Çĕнтерĕве – 70 çул» номинацире 9 класра вĕренекен Оксана Кошкинăна çитекенни пулмарĕ; иккĕмĕш вырăна Егорова Марийăпа (8 класс) Плешкова Мария (5 класс) пайларĕç; виççĕмĕш вырăнта – Трофимов Кирилл (6 класс).
Мероприяти вăхăтĕнче шкулти кашни вĕренекен К.В.Ивановăн кĕнекисен куравĕпе паллашма пултарчĕ.