2014.11.25 Сывлӑхран хакли ҫук

«Сывлӑх – чи хаклӑ пуянлӑх»,- теҫҫӗ ваттисем. «Сывлӑха сутӑн парса илме ҫук»,- тенине те час-часах илтетпӗр. Апла пулин те ҫамрӑксем хӑйсен сывлӑхне туртса, ӗҫсе сиен кӳнине курма пулать. Юлашки ҫулсенче вара ҫамрӑксем наркотиксемпе явӑҫнине асӑрхатпӑр. Шел пулин те сывлӑх чи хакли пулнине кая юлса ӑнланатпӑр эпир. Вара ун чухне чавса ҫывӑх та ҫыртма ҫук. Таса сывлӑха тем чул тавӑрас тесен те тавӑрма ҫук.

Ҫак инкексенчен сыхланас, хамӑр сывлӑха упрас тӗллевпе 9-мӗш класра класс сехечӗ иртрӗ. Вӗренекенсем хӑйсем чӗлӗм туртнин сиенӗ ҫинчен, эрех ӗҫнин сиенӗ ҫинчен, наркотиксен сиенӗ ҫинчен туха-туха калаҫрӗҫ. Вӗсем хӑйсен пӗлтерӗвӗсене интернет сайчӗсенчен, хаҫат-журналтан тупнӑ. Сывлӑха упрас тесен спортпа туслӑ пулмалли ҫинчен те калаҫрӑмӑр. Юлашкинчен ҫакӑн пек пӗтӗмлетӳ патне килсе тухрӑмӑр: «Сывлӑх пулсан пурте пулать. Сывлӑха упрама пӗлмелле. Пирӗн сывлӑх хамӑр алӑра.»