Внимание!
Эта страница из архивного сайта. Информация может быть не актуальной.
Адрес нового сайта -
http://batyr.cap.ru/
Вĕренÿ кунĕсем хыçа юлчĕç, çуллахи хĕвеллĕ кунсем пуçланчĕç. Çуллахи каникул — чи вăрăмми, чи хавасли! Пушă вăхăт та нумай: кан, выля, савăн!
Патăрьел районĕнчи Сăкăт шкулĕн 1-4 класĕсенчен вĕренсе тухнă хĕр ачасемпе арçын ачасем каникулăн малтанхи уйăхне шкул çумĕнче уçăлнă "Хĕвелпи" лагере çÿреме пикенчĕç.
Ирхине 8 сехет çурă тĕлне шкула пуçтарăнаççĕ ачасем.
Малтанах линейка, зарядка...
Ирхи апат хыççăн тĕрлĕ конкурссем, вăйăсем, ăмăртусем...
Кăнтăр апачĕ хыççăн юрă-ташă, клуб сехечĕсем.
Ачасемпе пĕрлех вожатăйсем (7, 8 класс хĕрĕсем), воспитательсем (шкулта вĕрентекенсем). Вăхăт интереслĕ, сисĕнмесĕр ирттĕр, лагерь кунĕсем асра юлччăр тесе тăрăшаççĕ воспитательсем.
Ачасен сывлăхĕ çирĕп пултăр, лайăх канар та çитес вĕренÿ çулне хавас кăмăлпа кĕтсе илер!