2014.04.07 Ашшĕ-амăш пухăвĕнче инспектор та пулчĕ

     Ака уйăхĕн 4-мĕшĕнче Патăрьел районĕнчи Сăкăт шкулĕнче ашшĕ-амăшĕсен черетлĕ пухăвĕ пулса иртрĕ.

Кун йĕркинче тĕрлĕ ыйтусем пулчĕç: III чĕрĕкĕн кăтартăвĕсем, экзаменсене хатĕрленесси, çуллахи каникул вăхăтĕнче ачасен канăвне тĕрĕс йĕркелесси.  Кунсăр пуçне тата аттесемпе аннесем районтан килнĕ чрезвычайлă лару-тăру инспекторĕпе .В.А. Давыдовпа  тĕл пулчĕç.

Владимир Анатольевич залра ларакансене пушар хуралĕн ĕçĕ-хĕлĕпе, статистика кăтартăвĕсемпе кĕскен паллаштарчĕ, аслисен тимсĕрлĕхне пула Патăрьел районĕнче пулса иртнĕ пушар инкекĕсем çинчен каласа пачĕ. 

Чи малтан атте-аннен вут-кăварпа  тимлĕрех пулмалла, хăрушсăрлăх пра­ви­ли­се­не çирĕп пă­хăн­мал­ла. Инкек-синкек ан пултăр тесен, аслисен ачасене те асăрхаттарсах тăмалла. Хамăр сывлăха, хамăр пурнăçа хамăрăн упрамалла, çакна тума ачасене пĕчĕкрен вĕрентмелле.