2014.03.29 "Атьăр, лапталла вылятпăр!"

     Шкулсенче вĕренÿ сулĕн III чĕрĕкĕ вĕçленчĕ те,  ачасем каникула кайрĕç. Каникулта вĕт, тăраниччен çывăрма та юрать. Компьютер умĕнче вăхăт ирттерме те питĕ кăмăллă.

     Патăрьел районĕнчи Сăкăт ялĕнче Çерçи кассинчи ачасем çакăнпа килĕшесшĕнех мар иккен. Вĕсем тата интереслĕрех меслет шыраса тупнă. Тĕрĕсрех каласан, çитĕннисем пулăшнă. Тинюкова А.П. педагог-психолог ертсе пынипе ачасем лапталла выляма пикеннĕ. Халĕ вара кашни кун урамра хаваслă шăй-шай— ача-пăча сасси. Пурте пĕрле пуçтарăнаççĕ те "Атьăр, лапталла выляр!"— теççĕ. Вăхăт усăллă ирттĕр. Уçа сывлăшра пулни пурсăмăра та питĕ кирлĕ!