2014.03.29 Сăкăтсем çĕнтерчĕç

     Пуш уйăхĕн 28- мĕш кунĕнче Патăрьел районĕнчи Çамрăксен Правительстви тата Патăрьел район администрацийĕн вĕрентÿ пайĕнче çамрăксемпе ĕçлекен  центр ертÿçи Адикина А.К. тата методисчĕ Антонова А.В. пуçарнипе Сăкăт шкулĕн спорт залĕнче  волейболистсен туслă тĕл пулăвĕ иртрĕ. Кунта Патăрьел районĕн тĕп больницинчи, Сăкăтри,  Тутар Сăкăтĕнчи Çамрăксен пĕрлешĕвĕсем вăй виçрĕç. Çĕнтерÿçĕ ятне Сăкăт команди выляса илчĕ. Тухтăрсен команди—иккĕмĕш, виççĕмĕш вырăнта Тутар Сăкăт çамрăкĕсем пулчĕç.

    Сăкăт çамрăкĕсем А. Калькин, А.Егоров, П.Кртин, Л.Силюков, О. Ершова, Р.Глухова, тата Ф. Анюровпа Н. Чиркина Сăкăт шкулĕн 11 класĕнче вĕренекенĕсем ял ятне ямарĕç.