2014.03.24 Вĕрентекенсем те сывă пурнăç йĕркишĕн

 

 

     Патăрьел районĕнчи Сăкăт шкулĕнче вĕрентекенсем те республикăмăрта, районта иртекен "Çамрăксем сывă пурнăç йĕркишĕн" акцие активлă хутшăнаççĕ. Канмалли кунсенче те пушă вăхăт тупса районта, ялта иртекен тĕрлĕ ăмăртусенче, конкурссемпе турнирсенче активлăх кăтартаççĕ . Пĕрисем йĕлтĕрпе ярăнма, теприсем волейболла, теннисла, хоккейла выляма кăмăллаççĕ. 

     Çак кунсенче те, акă, Сăкăт шкулĕнчи Ю.Г.Падусева, Н.В.Ксенофонтов, Н.И.Тинюков вĕрентекенсем те акцие хутшăнса Патăрьел районĕнчи вĕрентекенсен профсоюзĕн 35-мĕш Спартакиадине хутшăнса шашкăлла вылярĕç.

     25 команда хушшинче  малти вырăна çĕнсе илме çăмăл мар паллах. Малтисем те мар, кайрисем те мар, шăп варринче пулчĕç сăкăтсем. Чи пахи — ăмăртăва хутшăнса хамăр вăя виçсе пăхни, ыттисемпе танлаштарма май пулни. Ăмăртуран шашистсем савăк кăмăлпа таврăнчĕç.  

 

--