2014.03.12 Хаçатсен конкурсне пĕтĕмлетрĕмĕр

      Пысăк уявсем тĕлне стена хаçачĕсем кăларасси Патăрьел районĕнчи Сăкăт шкулĕнче çирĕп йăлана кĕнĕ. Хаçатсен конкурсне пур класс та тăрăшсах хутшăнать.  Ку ĕçе ытларах хĕр ачасем явăçаççĕ . Мĕншĕн тесен çак пысăк шурă хута илемлетме, яка çырма пурте пултараймаççĕ-çке. Арçын ачасем художник тивĕçне пурнăçлаççĕ-ха...

     Хальхинче вара, пушăн 8-мĕш кунĕ умĕн, хаçатсен кĕтесĕнче  йĕкĕтсене çеç курма пулчĕ. Ара, хĕр ачасем хăйсем валли салам хучĕсем çырни майлах мар ĕнтĕ.  Акă, вуннăмĕш класс каччисем чи малтан кăларса çакрĕç  уяв хаçатне. Вĕсем хыççăн ыттисем те туртăнчĕç.

Пултараççĕ пирĕн арçын ачасем:

Пĕринчен тепри илемлĕ ĕçĕсем,

Парада тухнă пекех хаçачĕсем!

     Акă, уяв хыççăн аслă классенчи хĕрсем хаçатсен конкурсне пĕтĕмлетрĕç. Чи лайăххисен шутĕнче  11, 10, 8 классен ĕçĕсем пулчĕç. Ыттисем те начар мар, пурте вырăнлă пулчĕç.