2013.11.13 Спартакиада шучĕпе мини-футбол иртрĕ

 

"Çамрăксем сывă пурнăç йĕркишĕн" акцие хутшăнса Патăрьел районĕнчи Сăкăт шкулĕн стадионĕнче районти тăватă шкул спартакиада шучĕпе мини-футболла выляса вăй виçрĕ.  Алманчă (ертÿçи Петров О.Н.), Сăкăт (ертÿçи Анюров В.В.), Тутар Сăкăт (ертÿçи Козлов И.А.) тата Патăрьелĕнчи 1№((ертÿçи Солдатов В.В.) шкулсенчен  килнĕ 10-11 классенче вĕренекен футболистсем хушшинче хĕрÿ ăмăрту пычĕ. Алманчăсем ыттисенчен маçтăртарах выляни тÿрех палăрчĕ, вĕсем пĕрремĕш вырăна йышăнса финала тухрĕç. Иккĕмĕшпе виççĕмĕш вырăнсене Сăкăт тата Тутар Сăкăт каччисем пайларĕç. Сăкăтра вĕренекенсем шкул чысне хÿтĕленĕ спортсменсене Евгений, Алексей, Фёдор Анюровсене, Владимир Бахитова, Иван Волкова, Дмитрий Платонова, Сергей Чермасова, Андрей Задорова, Николай Макарова, Артём Чернова чунтанах саламлаççĕ.