2013.05.24 Эпир тасалăхпа тирпейлĕхшĕн

     Çулран çул çут ςанталăка упраса, тирпейлĕ тытас тĕлĕшпе эпир нумай тĕрлĕ ĕçсем туса ирттеретпĕр: йывăçсем лартатпăр, чечексем ÿстеретпĕр… Тасалăх,  тирпейлĕх хамăршăнах лайăх- çке, куçа таçтанах илĕртет.

   Патăрьел районĕнчи Аслă Чемен ял тăрăхĕнчи тасалăх-типейлĕхшĕн ялти культура ĕçченĕсемпе ял администрацийĕнче вăй хуракансем  çеç мар,  ял тăрăхĕнче пурăнакансем те кăçалхи çул питĕ тăрăшрĕç. Хамăр территоринче пуçтарăннă кирлĕ мар япаласене  ятарлă техникăпа палăртнă вырăна ăсатрĕç. Аслă Чемен ялĕнче пуранакансем пуçтарăннă çуп-çапа иртнĕ уйăхра икĕ хутчен  те ятарлă техникăпа ăсатнăччĕ. Çу уйăхĕн 23-мĕшĕнче вара Тури Чакă ялĕнче пурăнакансем  кил хушшинче пуçтарăннă çуп-çапа ăсатрĕç. Ял çыннисем çак йĕркепе кăмăллă пулнине палăртрĕç.

   Ял çыннин çут çанталăк илемĕпе киленсе пурăнма мĕнпур майсем пур. Çак илемлĕх тасамарлăха ан куçтăрччĕ, тасамарлăх ăшне путас марччĕ.