2013.02.15 Чăн-чăн юрату салтака вутран та, шывран та тухма пулăшать

 "Чăн-чăн юрату салтака вутран та, шывран та тухма пулăшать", — çакăн пек çирĕп шухăш çуралчĕ "Ялта" произведенипе тĕплĕн паллашнă хыççăн Сăкăт шкулĕнчи 10 класра литература урокĕнче.  

 Ку драмăна чăвашсен паллă çыравçи Фёдор Павлов XX ĕмĕрĕн 20-мĕш çулĕсенчех калăпланă пулин те, хайлав паян та вулакансене тавлаштарать, интереслĕ шухăшсем çуратать. Хĕрсемпе каччăсем драмăпа паллашнă хыççăн тишкерÿ турĕç. Елюкпа Ванюк хушшинчи хутшăну пирки хĕрÿ калаçу пулчĕ. Ванюкпа Елюк пĕр-пĕрне юратаççĕ-и? Вăрçăран таврăннă Ванюк мĕншĕн Çтаппана мар, Елюка персе вĕлерчĕ? Мĕншĕн паянхи пурнăçра хĕрсем салтак савнисене кĕтсе илмен тĕслĕхсем час-часах тĕл пулаççĕ?"