2012.02.15 Пирĕн ялсем те вăрçа хутшăннă

  «За отвагу» медаль кавалерĕ Н. Акимов сержант- десантник хăйĕн юлташĕсемпе чи малтанхи самолётсемпех унта вĕçнĕ. 103- мĕш Витебск сывлăш- çар дивизийĕн салтакĕ Кабул аэродромне тытса илнĕ çĕре хутшăннă. В. Анисимов ефрейтор- пулемётчик та Витебск дивизийĕнчи 317- мĕш парашют- десант полкĕн йышĕнче чылай çар операцийĕсене хутшăннă. Ульяновка посёлокĕнчи Ю. Васильев старшина 180- мĕш мотострелоксен полкĕнче БТР механик- водителĕ пулнă. Уринчен аманнă (пуля халĕ те унтах). «За отвагу» медале тивĕçнĕ. В Федотов летчик Ил- 76 самолётпа çар хатĕрĕсем, салтаксем турттарнă.

  «За боевые заслуги» медаль илнĕ А. Федотов пограничник Пăлапуç- Нурăс ялĕнчи Н. Чегаевпа пĕр класра вĕреннĕ Мускав погранотрядĕнче службăра тăнă. Н. Артемьев, Ю. Антонов, Н. Кутузов, В. Егоров водительсем, С. Александров десантник, Ульяновка поселокĕнчи В. Терентьев, А. Ильин, В. Кудрин та инçетри çĕр- шыври вăрçа хутшăннă.

   Афган çĕрĕнчи тÿсме çук йывăрлăхсем пĕр йĕрсĕр иртмен. Валерий Анисимовпа Николай Акимов десантниксен пурнăçĕ вăхăтсăр татăлнă.