2011.04.13 Космоса халалланă конкурс

Сăкăт  шкулĕн библлиотекинче час-часах тĕрлĕ мероприятисем иртеççĕ. Космонавтика кунне халалласа  кĕçĕн классенче вĕренекенсем хушшинче ÿкерчĕксен конкурсĕ иртрĕ. В.Н.Тестова библиотекарь ачасен активлăхне палăртса хăварчĕ.Тĕрлĕ ÿкерчĕксем хушшинче Андриян Никопаева халалланă ĕçсем ытларах пулчĕç, ачасем хамăр ентеш космонавтăн пурнăçĕпе интересленни савăнтарчĕ. Çамрăк художниксем пурте Тав хучĕ илме тивĕçлĕ пулчĕç.

Ака уйăхĕн 12-мĕш кунĕнче  В.Н.Тестова библиотекарь ертсе пынипе  " Чăваш енĕн тĕнче уçлăхне тухнă каччисем" презентаци иртрĕ.

Ăна Чăваш çĕршывĕнчен тухнă А.Николаев, М.Манаров, Н.Бударин космонавтсене халалланă. Кĕçĕн классенче вĕренекенсем валли хатĕрленĕ çак ĕç усăллă пулчĕ, ачасем  космонавтсем çинчен  çĕннине нумай пĕлчĕç.