Патăрьел район пуçлăхĕ Н.И.Глухов Пĕтĕм тĕнчери инвалидсен кунĕ ячĕпе саламлани

ХИСЕПЛĚ ИНВАЛИДСЕМ!

                Раштав 3 – мěшěнче Пěтěм тěнчери инвалидсен кунне паллă тăваççě. Уяв мар вăл, пĕтĕм общественнăçа вăй–хал, сывлăх тěлěшпе хамăртан хавшаккисен çивěч ыйтăвесене татса парас енěпе, сусăрсем  тěлěшпе тимлěрех пулмаллине тепěр хут аса илтерни кăна. Вěсем хăйсене халăх хушшинче хăтлă туйччăр, тулли ирěклě çынсем иккенне куçпа курса ěненччер.

                Инвалидлăх – обществăн сивĕч ыйтăвě, ăна пĕрлехи вăйпа кăна татса пама пулать. Тĕрлĕ сăлтава пула вěсен йышě юлашки çулсенче ўссе пырать. Çавна май шăпи кашнинех хумхантарма тивěç. Инвалидсене пурнăса хăнăхтарас, сыввисен хушшинче хăтлă туйма майсем туса парас тěлěшпе Патăръел районěн администрацийě тата социаллă учрежденисем куллен тăрăшаççе.

             Эпě   сире пуласлăха ĕненме, пурнăçа юратма, ырлăх-сывлăх, çемье телейĕ сунап.

Патёрьел район пуçлăхĕ                                                    Н.И.Глухов