Поздравление главы администрации района с Днем медицинского работника

Сывлăх сыхлавĕн хисеплĕ ĕçченĕсем тата ветеранĕсем!

Пурнăçне пархатарлă ĕçе- çын пурнăçне тата сывлăхне упрассине халалланă çынсене пурне те Медицина ĕçченĕсен кунĕ ячĕпе чĕререн саламлатăп. Çынсен сывлăхĕ- наци пуянлăхĕ. Сывă çынсем кăна экономика тата вăйле патшалăх тума, туллин ĕçлеме тата пурăнма пултараççĕ. Республикăра çулсрен çĕнĕ сиплев учрежденийĕсем уçăлăççĕ. Çав шутра Патăрьел районĕнче паянхи куна 3 çемье врачĕн офисĕсĕм уçăлнă. Кăçалхи çул районта тата 2 çемье офисĕ уçма палăртнă. Çемье офисĕсенче пысăк квалификациллĕ медицина работникĕсем вăй хураççĕ, вĕсенче çĕнĕ йышши медицина оборудованисем вырнаçтарнă.

 Халăхăн хисепне тата тав сăмахне эсир професси пĕлĕвĕшĕн тата опытшăн, хăвăра шеллемесĕр тăрăшнăшăн, пархатарлă ĕçшĕн, тарават кăмăлшăн тата сисĕмлĕ чĕрешĕн тивĕçрĕр.

Сире тата çемьĕрсене çирĕп сывлăх, çитĕнỹ, тăнăçлăх тата телей сунатăп.

Патăрьел район администрации пуçлăхĕ Н.И.Глухов