2018.04.26 «Раççее ĕненĕр, вара вăл сирĕншĕн тăван анне пулĕ», - тенĕ И.Яковлев

 Чăваш халăхне çутта кăлараканĕ, аслă вĕрентекенĕмĕр Иван Яковлевич Яковлев çуралнăранпа 170 çул çитнине республикăра анлă паллă тăваççĕ. Шкулсенче, культура çурчĕсемпе библиотекăсенче ăна халалласа тĕрлĕ мероприяти ирттереççĕ.

Ака уйăхĕн 25- мĕшĕнче Шупашкарта оперăпа балет театрĕнче  «Раççее ĕненĕр, вара вăл сирĕншĕн тăван анне пулĕ» ятпа пысăк уяв иртрĕ. Уява Тутар, Пушкăрт, Мордва Республикисенчен, Чĕмпĕр облаçĕнчен тата аякри ытти çĕртен пурĕ 200-е яхăн делегат килсе çитрĕç.

  Патăрьел районĕнчи чăваш чĕлхипе литературине вĕрентекенсем те çак уявра пулса савăнчĕç.