2017.12.04 Сусāрсен кунĕ

Декабрĕн 3-мĕшĕ – Пĕтĕм тĕнчери инвалидсен кунĕ.

Çак кун пире вăй-хал, сывлăх тĕлĕшпе хавшанисенçивĕч ыйтăвĕсене татса парассине, сусăрсем тĕлĕшпе тимлĕрех пулмаллине тепĕр хут аса илтерет.

Вĕсене тухса çÿреме те кансĕррине шута илсе кăçал Çĕньялти клуб ертÿçи М.И.Мадюкова тата ялти хĕрарăмсен совечĕн йышĕ инвалидсем патне килĕсене кайса пĕчĕк парнесемпе чысларĕ: юрăсемпе вĕсен кăмăлĕсене уçрĕç, вĕсен ĕçĕ-хĕлĕпе кăсăкланчĕ, пурнăç ыйтăвĕсем пирки калаçрĕç. Акă Катерина Захарова ачаранпах утаймасть: пĕчченех пурăнать. Ялта пурăнакан аппăшĕ Мария Алексеевна уншăн пысăк тĕрев. Пуçне усмасть Екатерина Алексеевна – пÿртĕнче ÿкерчĕксен галерейи тейĕн! Йĕри-тавра тĕрĕсем: асамлăх тыткăнне кĕртсе ÿкеречĕ. Хăй патне пырса çапла чыс тунишĕн питĕ савăнчĕ – ара, çынна хутшăну та кирлĕ- çке. Çавăн пекех Ванюхин А.Н., Сулагаев В.Н., Елимов Л.Е. тата ыттисем те хăйсем çинчен манманшăн тав сăмахĕ каларĕç.