2015.04.27 Пĕтĕм чăваш диктанчĕ

Пĕтĕм чăваш диктанчĕ кăçалхипе виççĕмĕш хут иртрĕ. Ăна чăваш патшалăх гуманитари ăслăлăхĕсен тата ЧР вĕренÿ институчĕсем, И.Я.Яковлев ячĕллĕ ЧППУ, И.Н.Ульянов ячĕллĕ ЧПУ, «Хыпар» Издательство çурчĕ, Чăваш наци радиовĕпе телекуравĕ йĕркеленĕ.

Çак мероприятие кăçал Аслă Çĕнтерĕве халалланă.

Диктант текстне Леонид Маяксем çырнă хайлавăн сыпăкне суйласа илнĕ.  

Киве Ахпуртри теп шкулти вĕрентекенсем те, 5-9 класра вĕренекенсем те «Пĕтĕм чăваш диктанчĕ – 2015» акцие хутшăнма кăмăл турĕç.

Диктанта наци радиовĕн тÿрĕ эфирĕнче Лидия Кузьмина вуланине итлесе ятарлă бланксем çине çырчĕç.

Алăпа çырнă аванрах ĕçсене сканерпа кăларса тĕрĕслеме ярса пачĕç.