2014.04.27 Пĕтĕм чăваш диктантне Сăкăт шкулĕ те çырчĕ

Ака уйăхĕн 25-мĕшĕнче Пĕтĕм чăваш диктантне çырмалла пулать тени чăваш ачисемшĕн уяв пулать тенĕпе танах пулчĕ.

Патăрьел районĕнчи Сăкăт шкулĕнче вĕренекенсем те пĕтĕм чăвашпа пĕрле диктант çырма хаваспах килĕшрĕç. Пĕлтĕр те кăмăлтан хутшăннăччĕ ку диктанта çырма.

7, 10, 11 классенче вĕренекенсем кăнтăрла иртсе пĕр сехет тĕлне чăваш чĕлхипе литератури кабинетне пуçтарăнчĕç.

Анюрова Е.В., Тинюкова А.П. вĕрентекенсемпе пĕрле ачасем  диктор сассине итлесе пынă май йĕрке хыççăн йĕрке шăрçаларĕç. Пурте тĕрĕс çырас тесех тăрăшрĕç курăнать. 30 ĕçе сканер витĕр компьютера кĕртсе тĕрĕслекен комиссие ярса пама вара вăхăт нумайрах кирлĕ пулчĕ. 

     Çапла вара, Пĕтĕм чăваш диктантне Сăкăт шкулĕ те çырчĕ.