2013.04. 23 Кĕçĕн класри çăлтăрсем

Чăваш чĕлхи эрнинче Аслă Чемен шкулĕнче уроксем пуçланиччен ирхи зарядкăсем чăвашла иртрĕç. 

 Коридорта чăваш пурлăх культурипе çыхăннă ал ĕçĕсен куравĕ иртрĕ. Кунта ытларах 1-8 классем хутшăнĕç. 1-4-мĕш классемпе Ананьева А. И. чăваш чĕлхи эрнине халалланă вăйă ирттерччĕ.  Алина Ивановна малтан И.Я.Яковлев çинчен каласа пачĕ, унăн калавĕсемпе паллаштарчĕ.  Ачасем И. Я. Яковлев калавĕсем тăрăх инсценировкăсем кăтартрĕç. Унтан вăйă пуçланчĕ. 3-мĕш классем активлă пулни тата И.Я.Яковлев çинчен нумай пĕлни пурне те савăнтарчĕ.  Пĕтĕмлетӳсем çапларах пулчĕç: пур класĕ те маттур пулнăран туслăх çĕнтерчĕ тесе йышăнтăмăр, пĕр пек балсем пуçтарчĕç (1-2-мĕшсем те 26 çăлтăр,3- 4-мĕшсем те 26 çăлтăр).