2013.04.22 Чăваш чĕлхин эрни пуçланчĕ

Çуркунне. Ака уйãхĕ.  Пĕтĕм тĕнче хĕл ыйхинчен вãранать.  Шãп çак вãхãтра И.Я.Яковлев тĕнчене килнĕ. Патриарх çуралнине халалласа акан 25-мĕшĕнче чãваш чĕлхи кунне уявлама палãртнã. Ака уйãхĕн 22 –мĕшĕнче  Аслã Чементи вăтам шкулта  чăваш чĕлхи эрни уçăлчĕ. 

Ирхине   1-11 класс ачисем коридора линейкăна пуçтарăнчĕç.  Басова Л. Н. ачасене чăваш чĕлхипе литература тата КРК  эрнин планĕпе паллаштарчĕ.  Шкул шайĕнче иртекен пĕрремĕш мероприяти - вулавăшра йĕркеленĕ кĕнекесен куравĕ пулчĕ. Тãхтав вãхãтĕнче ачасем  И. Я. Яковлева халалланã кĕнекесемпе паллашрĕç. Тата çак кун 5-11 класс ачисем тĕрлĕ йãла-йĕркепе çыхãннã стена хаçачĕсем кãларчĕç. Малалла та чăваш чĕлхи эрни интереслĕ пуласса шанатпãр.